لاوێك داوا ده‌كات سه‌رۆك كۆمار خوازبێنی‌ بۆ بكات

دوایئه‌وه‌ی‌ كه‌سوكاری‌ كچه‌كه‌ رازینه‌بون كچه‌كه‌یان شوی‌ پێبكات، لاوێكی‌ دانیشتوی‌ شاری‌ دیاربه‌كر له‌ڕێی‌ ئینته‌رنێته‌وه‌ نامه‌یه‌ك بۆ عه‌بدوڵڵا گویلی‌ سه‌رۆك كۆماری‌ توركیا ده‌نێرێت و داوای‌ لێده‌كات بچێته‌ داخوازی‌ ئه‌و كچه‌ و كه‌سوكاره‌كه‌ی‌ رازیی‌ بكات. 

لاوه‌كه‌ له‌ نامه‌كه‌یدا بۆ گویل، نوسیوێتی‌: یه‌كه‌مجاره‌ له‌ ژیانمدا خۆشه‌ویستی‌ ده‌كه‌م، به‌ڵام له‌دوای‌ خوازبێنی‌، خێزانی‌ كچه‌كه‌ ناڕه‌زایی‌ خۆیان پیشانداوه‌ و منیش سورم له‌سه‌ر هێنانی‌ ئه‌و كچه‌.  

زیاتر .....

یه‌كێك له‌ دوایین نازیزمه‌كان مرد

جۆن دیمیانیوكی‌ ته‌مه‌ن "91 ساڵ‌" كه‌ به‌ یه‌كێك له‌ دوایین نازیزمه‌كان له‌ جیهاندا هه‌ژمار ده‌كرێت و به‌ڕێوه‌به‌ری‌ یه‌كێك له‌ گرتوخانه‌كانی‌ نازی‌ بووه‌، له‌ خانه‌یه‌كی‌ به‌ساڵاچوان، دوای‌  كه‌متر له‌ ساڵێك به‌سه‌ر ده‌رچونی‌ سزای‌ پێنج ساڵ‌ زیندانی‌ له‌ دژی‌، كۆچی‌ دوایی كرد. 

پۆلیسی‌ ئه‌ڵمانیا رایگه‌یاند: "دیمیانیوك هه‌ڵگری‌ هیچ ره‌گه‌زنامه‌یه‌ك نییه‌ و به‌ كوشتنی‌ زیاتر له‌ 27 هه‌زار كه‌س، كاتێك به‌ڕێوه‌به‌ری‌ گرتوخانه‌ی‌ سوریبور بووه‌ له‌ ساڵی‌ 1943 له‌ پۆڵه‌ندا، تۆمه‌تبار كراوه‌ و به‌ر له‌وه‌ی‌ بمرێت، سزای‌ پێنج ساڵ‌ زیندانی‌ به‌سه‌ردا سه‌پێنراوه‌".   

زیاتر .....

دامەزرێنەری (رێد بول) گیانی لەدەستدا

چالیۆ یۆفیدهیای دامەزرێنەری کۆمپانیای (رێد بول) بۆ خواردنەوەی وزە لەتەمنی 80 ساڵیدا گیانی لەدەستدا.

ئاژانسەکانی هەواڵ بڵاویانکردوە، ناوبراو بە شێوەیەکەی ئاسایی گیانی لەدەستداوە و هیچ نەخۆشییەکی نەبوە.

ناوبراو بە یەکێک لە دەومەڵەمەندترین بازرگانەکانی جیهان دادەنرێت و سامانەکەی بە 5 ملیار دۆلار دەخەملیندرێت و خاوەنی گەورەترین کۆمپانای بواری بەرهەمهێنانی خورادنەوەی وزەیە لە جیهاندا، کە بارەگای سەرەکی لەوڵاتی نەمسایە و لە 164 وڵاتی دیکەی جیهانیش لقی تایبەتی هەیە. 

زیاتر .....

هەولێر؛ چێشتخانەیەک بە سەر لۆریەوە

(سبەی):

لە شەقامی ١٠٠ مەتری هەولێردا، چێشتخانەیەکی دوقات لە سەر لۆریەک دروستکراوە، کە چەند شاگردێک کاری تێدا دەکەن و کۆمەڵێک خواردن بە شێوەی لەفە پێشکەشی کڕیارەکان دەکات.

چێشتخانەکە ناوی (لەفەی کوردستانە) و وەک خاوەنەکەی دەڵێت، لە داهاتودا چێشتخانەی لەوشێوەیە لە شارەکانی تری کوردستان دەکەنەوە.

قاسم سەعید، کە سەرپەرشتیاری چێشتخانەکەیە و خەڵکی کوردستانی تورکیایە، بە (سبەی) راگەیاند: یەکەمجار لە شاری ئامەد چێشتخانەمان لە ناو لۆری بارهەڵگردا دانا، دواتریش ئەم چێشتانەیەمان بە هەمانشێوە لە کوردستانی باشور دانا.

سەبارەت بە پێشوازی خەڵک بۆ چێشتخانەکە، ناوبراو وتی: خەڵک بە گەرمی پێشوازی لە چێشتخانەکەمان دەکات و کڕیاری زۆرمان هەیە، لە شارەکانی سلێمانی و دهۆکیشەوە خەڵک سەردانی کردوین، ئێمەش جگەر و تکەی مریشک و گۆشت و کەباب، بە نرخێکی گونجاو پێشکەش دەکەین.

خاوەنی لەفەی کوردستان، ئاشکراشیکرد: لەم نزیکانەدا ئەم جۆرە چێشتخانەیە لە سلێمانی و دهۆکیش دەکەینەوە، چونکە خەڵک زۆر پێشوازیمان لێدەکات و چەندین کەسیش هاتوە لێرە وێنەی یادگاری گرتوە.

ئەحمەد باڵەکی 

زیاتر .....

25 ساڵه‌ له‌ئۆتۆمبیله‌كه‌یدا ده‌خه‌وێت

به‌گوێره‌ی‌ هه‌واڵێكی‌ پێگه‌ی‌ جام نیوز , ژنێكی‌ به‌ته‌مه‌نی‌ خه‌ڵكی‌ ئه‌ڵمانیا، دوای‌ ئه‌وه‌ی‌ ڕێگه‌یه‌كی‌ گونجاوی‌ نه‌دۆزییه‌وه‌ بۆ ڕزگاربوون له‌پرخه‌پرخی‌ شه‌وانه‌ی‌ هاوسه‌ره‌كه‌ی‌, له‌كۆتاییدا بڕیاریدا، شه‌وانه‌ له‌ناو ئۆتۆمبیله‌كه‌یدا بخه‌وێ.

ئه‌م خانه‌مه‌ ئه‌ڵمانییه‌ له‌ 25 ساڵی‌ ڕابردووه‌وه‌ تاوه‌كو ئێستا، نه‌ك ئۆتۆمبیله‌كه‌ی‌ وه‌ك په‌ناگه‌یه‌كی‌ شه‌وانه‌ی‌ هه‌ڵبژاردووه‌، به‌ڵكو ته‌نانه‌ت هه‌ڵهاتنیشی‌ له‌ده‌ست پرخه‌ پرخی‌ هاوسه‌ره‌كه‌ی‌، وه‌كو به‌هه‌شت ناو بردووه‌.

ئه‌م خانمه‌ ده‌ڵێت:”25 ساڵ‌ پێش ئێستا شه‌وێكیان پرخه‌ پرخه‌كانی‌ هاوسه‌ره‌كه‌م ته‌واو بێزاری‌ كردبووم‌و زۆری‌ بۆ هێنام , منیش یه‌كسه‌ر به‌ره‌و ڕووی‌ ئۆتۆمبێله‌كه‌م كه‌ له‌ناو حه‌وشه‌ی‌ ماڵه‌كه‌مدا وه‌ستاندبووم ڕۆشتم‌و له‌وێ‌ خه‌وتم , دوای‌ كه‌مێك بیركردنه‌وه‌ بۆم ده‌ركه‌وت كه‌ ئه‌م په‌ناگه‌ تازه‌یه‌م نه‌ك ته‌نها ئاسه‌واری‌ ده‌نگه‌ده‌نگی‌ هاوسه‌ره‌كه‌م بێزارم ناكات، به‌ڵكو ده‌توانم به‌ئارامی‌ سه‌یری‌ ئاسمان بكه‌م‌و بخه‌وم , له‌و كاته‌وه‌ تائێستا ئه‌مه‌ پیشه‌ی‌ هه‌موو شه‌وانێكی‌ منه‌

زیاتر .....

یابان درێژترین شیشی که‌باب دورست ده‌کات

دانیشتوانانی دورگه‌ی (ئیشیگاکی) که‌ ده‌که‌وێته‌ باشوری یابان توانیان ناوی خۆیان له‌ فه‌رهه‌نگی گینس تۆمار بکه‌ن کاتێ درێژترین شیشی که‌بابیان دورست کرد.

که‌بابه‌که‌ له‌ گۆشتی مانگا بوو درێژی شیشه‌که‌ گه‌یشته‌ 107.9 مه‌تر بوو، هه‌ر به‌م بۆنه‌یوه‌ که‌ ناویان چووه‌ فه‌رهه‌نگی گینس ئاهه‌نگێکی گه‌وره‌یان سازکرد.

شایانی باسه‌ شیشه‌ که‌بابه‌که‌ له‌ ماده‌یه‌کی کانزایی دورست کرابوو

زیاتر .....

لەسعودییە پاتری بە پەتاتە دروست دەکرێت

زانایەکی سعودی لە نوێترین داهێناندا، توانی پەرە بەجۆرێک لە پاتری  بدات کەلەرێگەی پەتاتەوە کار دەکات و بەپاتری پەتاتە ناسراوە.
رۆژنامەی (شەرق)ی سعودی بڵاویکردەوە، مامۆستایەکی زانکۆی بەشی فیزیا بەناوی سلێمان عەبدوڵا لەزانکۆی مەلیک عەبدولعەزیزی ئەو وڵاتە، توانیویەتی پەرە بەجۆرە پاترییەک بدات، کە لەرێگەی پەتاتەوە وزە وەردەگرێت و دو هێنەدەی پاتری ئاسایی بەهێزترە و 26 هێندەی ئەو پاترییانەی ئێستاش هەرزانترە.
ئەو مامۆستایە رایگەیاند: چەندین لێکۆڵینەوەی لەسەر میوەکان کردوە و بۆ دەرکەوتوە، پەتاتە باشترین رێگەیە بۆ بەرهەمهێنانی وزەی کارەبا و باسیلەوەشکرد، ئەگەر بێت و کاری زیاتر لەسەر ئەو پرۆژەیە بکرێت، ئەوا دەتوانرێت سودی زۆری لێوەربگیرێت بۆ بەرهەمهێنانی وزەی پاک لە جیهاندا.

زیاتر .....

گریان تەمەن درێژ دەکات

لێكۆڵه‌ره‌وه‌كان له‌ زانكۆی‌ كالیفۆڕنیا  ئه‌وه‌یان ئاشكرا كرد، کە (گریان ) ده‌بێته‌ هۆی‌ ده‌ردانی‌ رژێنه‌ری‌ پرۆتینی‌ به‌رگری‌ به‌ناوی‌ (لیزوزیم)، كه‌ ده‌بێته‌ هۆی‌ پاكردنه‌وه‌ی‌ چاو له‌ به‌كتریا نه‌خۆشه‌كان، لیزوزیم به‌رپرسه‌ له‌ لەناوبردنی‌ به‌كتریای‌ ناوه‌وه،‌ كه‌ ده‌بنه‌ هۆی‌ نه‌خۆشی‌ جۆراو جۆری‌ چاو، له‌هه‌مان كاتیشدا گریان لێدانی‌ دڵ خێراتر ده‌كات و جۆرێكه‌ له‌  وه‌رزش بۆ ماسولكه‌كان و سنگ و شانه‌كان و‌ ده‌شبێته‌ هۆی‌ ئارام بونه‌وه‌ی‌ ده‌رون و حه‌وانه‌وه‌ی‌ له‌ش. لێکۆڵەرەوەکان باسیان لەوەشکردوە، ئه‌گه‌ر له‌كاتی‌ ناڕه‌حه‌تیدا نه‌گریت و فرمێسك نه‌ڕژیت، ئه‌وا روبه‌ڕوی‌ زۆر نه‌خۆشی‌ ده‌بێته‌وه‌، وەک(سه‌رئێشه‌و قورحه‌و قورگ ئێشه‌ ).

 پزیشكه‌كان ئه‌وه‌یان رونكرده‌وه،‌ ته‌مه‌نی‌ كچان درێژتره‌ له‌ ته‌مه‌نی‌ كوڕان به‌و پێیه‌ی‌ كچان ناتوانن فرمێسك بشارنه‌وه،‌ له‌كاتێكدا كوڕان شه‌رم ده‌كه‌ن له‌ رشتنی‌ فرمێسك , بۆیه‌ پێویسته‌ له‌كاتی‌ بێتاقه‌تیدا بگریت، گریانێك كه‌ دڵت ئارام بكاته‌وه‌و خه‌مه‌كان له‌ناو به‌رێت و به‌كتریا زیانبه‌خشه‌كان بشواته‌وه

ڕۆشنا علی.        سبه‌ی

زیاتر .....

بەڤیدیۆ؛ لێخوڕینی ئۆتۆمبێل لەرێگەی iPhone ەوە

زیاتر .....

دوای ئاشکرابونی زیانەکانی، (پیپسی) و (کۆکاکۆلا) گۆڕانکاری دەکەن

پاش ئاشکرابونی پێکهاتەی رەنگی (پیپسی) و(کۆکاکۆلا) کە مادەیەکی شێرپەنجەییە، هەردو کۆمپانیای بەناوبانگی بواری بەرهەمهێنانی خواردنەوەی غازی، لەلایەن ویلایەتی کالیفۆرنیای ئەمەریکاوە ناچارکران پێکهاتەی رەنگی خواردنەوە غازییەکانیان بگۆڕن.
بەپێی راپۆرتێکی گۆڤاری (تایم)ی ئەمەریکی، دوای دەرچونی بڕیارێک بۆ گۆڕینی مادەی (كارسينوجينز)ی شێرپەنجەیی کە لەپێکهاتەی رەنگی خواردنەوە غازییەکانی هەردو کۆمپانیادا هەیە، لە بەیاننامەیەکدا (پیپسی) و(کۆکاکۆلا) پابەندبونی خۆیان بەو بڕیارەوە راگەیاند.
لەلێدوانێکیشدا نوێنەرێکی کۆمپانیای کۆکا کۆلا بەگۆڤاری (تایم)ی راگەیاندوە، کە دوای گۆڕانکاری لە پێکهاتەی خواردنەوە گازییەکانیاندا هیچ گۆڕانێک لە تامی خواردنەوەکەدا رونادات و وەک خۆی دەمێنێتەوە.
ئەو راپۆرتە ئەوەشی ئاشکراکردوە، ئەومادەیەی لە رەنگکردنی خواردنەوە گازییەکاندا بەکار دێت، ئەگەری توشبون بە شێرپەنجەی جۆراوجۆر زیاد دەکات.
لەئێستادا هەردو کۆمپانیا (پیپسی) و(کۆکاکۆلا) رێژەی 90% بەرهەمهێنانی سەرجەم خورادنەوە غازییەکانی جیهان بەرهەم دەهێنن.
کۆمپانیا کۆکا کۆلا لەساڵی 1892 لە ئەمەریکا لەلایەن (ئاسا کاندلیر)ەوە دامەزراوە و لە 200 وڵاتی جیهان بەرهەمەکانی دەفرۆشێت و رۆژانە 1.7 ملیار کەس بەرهەمەکانی (کۆکا کۆلا) دەخۆنەوە، نزیکەی 140 هەزار کارمەندیشی لەسەرانسەری جیهاندا هەیە.
کۆمپانیای (پیپسی)ش لەساڵی 1902ەوە دامەزراوە و لە 196 وڵاتی جیهان بەرهەمەکانی دەفرۆشرێت و کارمەندەکانیشی بە دەیان هەزار کەس ئەژمار دەکرێت.

زیاتر .....

تەرمی‌ ئوسامە بن لادن لەئەمریكایە

پێگەی‌ ویكیلیكس 3 بەڵگەنامەی‌ كۆمپانیای‌ (ستراتفۆر)ی‌ هەواڵگری‌ بڵاوكردەوە كە دەریدەخەن، پاش كوژرانی‌ لەشاری‌ ئەبوت ئابادی‌ پاكستان تەرمی‌ ئوسامە بن لادن، سەرۆكی‌ پێشووی‌ رێكخراوی‌ قاعیدە بەفڕۆكەیەكی‌ تایبەتی‌ (سی‌ ئای‌ ئەی‌) گوازراوەتەوە بۆ ئەمریكا.

ئەو بەڵگەنامانە دەریدەخەن، لەئێستادا تەرمی‌ بن لادن لەپەیمانگای‌ هێزە چەكدارەكانەو پەیمانگاكەش تایبەتە بەزانستی‌ نەخۆشییەكان.

بەپێی‌ پەڵگەنامەكانی‌ ویكیلیكس ئەو پەیمانگایە لەشاری‌ (بیسیسدا)ی‌ ولایەتی‌ میریلاندە.

پێشترو پاش چەند رۆژێك لەكوشتنی‌ بن لادن ئەمریكا رایگەیاند، تەرمی‌ بنلادن خراوتە نێو دەریاوە.

هەر ئەو كات باراك ئۆباما سەرۆكی‌ ئەو وڵاتەش تەئكیدی‌ كردەوە، بن لادن كوژراوە، بەڵام بۆ تەشەنە نەسەندنی‌ توندوتیژی‌ تەرمێك پیشان نادرێت كە گوللە بەرسەری‌ كەوتووە.

زیاتر .....

گروپێكی خوێن مژەكان لەبەغداد دەردەكەوێت

سەرچاوەیەكی‌ ئەمنی‌ ئاشكرای كرد كە گروپێك لەخوێن مژەكان "مصاصی الدما‌" لەبەغدادی‌ پایتەخت بەدەركەوتون‌و خوێنی‌ یەكتر دەمژن.

لەو بارەیەوە، عەلی‌ شمەری‌، بەسۆمەریە نیوزی‌ ڕایگەیاندووە "هێزە ئەمنییەكان دڵنیابوون لەوەی‌ گروپێك لەگەنجان لەناوچەكەدا خەریكی‌ خوێن مژینی‌ یەكترن پاش برینداركردنی‌ مەچەكیان".

شەمەری وتیشی "ئەمە یەكەمین جارە لەمێژووی‌ عێراقدا گروپی‌ لەم شێوەیە دەركەون".

لەلایەكی ترەوە، سەرچاوەیەك ئەوەی ئاشكراكردووە "دوای‌ ساڵی‌ "2003"‌و، بەدیاریكراوی‌ لەماوەی‌ چەند ساڵی‌ رابردوودا چەندین گروپی‌ گەنجی‌ جیاواز لەبەغدادی‌ پایتەخت بەدەركەوتون كە لاسایی‌ گروپە ئەمریكی‌‌و ئەوروپیەكان دەكەنەوە، وەك گروپەكانی‌ راپ، ئیمۆ، شەیتان پەرستەكان‌و، خوێنمژەكان. 

هەندێ‌ لەو گروپانەی‌ بەجلوبەرگی‌ تایبەت دەناسرێنەوە كە زیاتر ئێسك‌و كەلەسەری‌ لەسەر وێنە كێشراوە.

زیاتر .....