ئایفۆنی تۆکمه‌ د‌روست ده‌کرێت

کۆمپانیای (ئه‌پڵ)ی ئه‌مه‌ریکی ئاشکرایکرد، له‌ داهاتویه‌کی نزیکدا جۆرێکی نوێ له‌ مۆبایلی زیره‌کی (ئایفۆن) ده‌خه‌نه‌ بازاڕه‌کانه‌وه‌ که‌ شاشه‌ی مۆبایله‌که‌ زۆر تۆکمه‌تره‌ وه‌ک له‌وه‌ی ئێستا له‌ بازاڕه‌کاندا ده‌فرۆشرێت، به‌جۆرێک ده‌توانێت به‌رگه‌ی زه‌بری توند بگرێت، له‌گه‌ڵ چاره‌سه‌رکردنی کێشه‌ی خێرا دابه‌زینی وزه‌ی پاتری مۆبایله‌کان.
کۆمپانیای ئه‌پڵ له‌ماوه‌ی رابوردودا له‌رێگه‌ی به‌رنامه‌یه‌که‌وه‌، هه‌وڵی چاره‌سه‌ری کێشه‌ی لاوازی پاتری مۆبایلی (ئایفۆن)ی جۆری (ئۆ ئێس 5)دا، که ‌له‌و رێگه‌یه‌وه‌ ته‌مه‌نی پاترییه‌که‌و ماوه‌ی کارکردنی درێژبکاته‌وه‌و ئێستاش له‌و هه‌وڵانه‌ی به‌رده‌وامه‌ بۆ کۆتاییهێنان به‌و کێشانه‌‌.
له‌رێکه‌وتی 2ی تشرینی دوه‌می ئه‌م مانگه‌دا، کۆمپانیای ئه‌پڵ رایگه‌یاند، هه‌ندێک هه‌ڵه‌ له‌ مۆبایلی ئایفۆنی جۆری (ئۆ ئێس 5)دا هه‌یه‌، به‌تایبه‌ت له‌روی دابه‌زینی وزه‌ی پاتری مۆبایله‌که‌ به‌شێوه‌یه‌کی خێرا و که‌می به‌رگری شاشه‌ی ئه‌و مۆبایله‌ له‌روی پیاکێشانه‌وه‌، ئه‌مه‌ش ناڕه‌زایی لای به‌کارهێنه‌رانی دروستکردوه‌ و کۆمپانیاش بڕیاریداوه‌ له‌ که‌مترین ماوه‌دا‌ هه‌وڵی چاره‌سه‌رکردنی بدات 

زیاتر .....

له‌ دومانگی داهاتودا هێرشده‌کرێته‌ سه‌ر ئێران

رۆژنامه‌ی (ده‌یلی مه‌یل)ی به‌ریتانی ‌پشبه‌ست به‌ سه‌رچاوه‌یه‌کی وه‌زاره‌تی ده‌ره‌وه‌ی وڵاته‌كه‌ی‌ راپۆرتێکی بڵاوکردوه‌ته‌وه‌و‌ ئه‌وه‌ ئاشكرا ده‌كات، كه‌ له‌ماوه‌ی دو مانگی داهاتودا و پێش سه‌ری ساڵ، ئیسرائیل هێرشی سه‌ربازی ده‌کاته‌ سه‌ر ئێران.
ئه‌و سه‌رچاوه‌یه‌ باسی له‌وه‌شكردوه‌‌، که‌ هه‌ماهه‌نگی و کۆده‌نگی هه‌یه‌ له‌سه‌ر ئه‌وه‌ی ئیسرائیل هێرشی سه‌ربازی بکاته‌ سه‌ر دامه‌زراوه‌ ئه‌تۆمییه‌کانی ئێران و له‌كاریان بخات، یاخود تێكیان بشكێنێت، بۆ ئه‌و مه‌به‌سته‌ش ئه‌مه‌ریکا هاوکاری لۆجیستی خۆی‌ پێشكه‌ش ده‌كات.
ئه‌م هه‌نگاوه‌ له‌کاتێکدایه‌، دو رۆژله‌مه‌وبه‌ر ئاژانسی وزه‌ی ئه‌تۆم له‌ راپۆرتێکیدا ئاماژه‌ی به‌وه‌کرد‌، که‌ئێران هه‌نگاوی گه‌وره‌ی ناوه‌ بۆ دروستكردنی چه‌کی ئه‌تۆمی.

زیاتر .....

منداڵه‌كه‌ی‌ و مۆبایله‌كه‌ی‌ له‌ ئۆتۆمبیله‌كه‌دا بیرچوو

پۆلیسی هاتوچۆی وڵاتی ئوردون توانیان منداڵێكی ته‌مه‌ن 18مانگ ڕزگار بكه‌ن، كه‌ دایكی له‌ناو ئوتۆمبیله‌كه‌یدا به‌داخراوی جێی‌ هشتبوو.
له‌كاتێكدا پۆلیس ویستویه‌تی له‌ ڕێگه‌ی ژماره‌یه‌كه‌وه‌ په‌یوه‌ندی به‌ خاوه‌نه‌كه‌یه‌وه‌ بكات، بینویانه‌ كه‌ مۆبایله‌كه‌شی له‌ئوتۆمبیله‌كه‌یدایه‌، بۆیه‌ به‌هۆی ئه‌وه‌ی منداڵه‌كه‌ خه‌ریك بووه‌ له‌ هۆش خۆی بچێت، ده‌رگای ئوتۆمبیله‌كه‌یان شكاندوه‌و تا دایكی هاتۆته‌وه‌و به‌شێوه‌یه‌كی یاسایی ڕاده‌ستیان كردۆته‌وه‌.

زیاتر .....

له‌ ئه‌ڵمانیا جوانی پێش زیره‌کییه‌

ئه‌نجامی راپرسییه‌ک ئاشکرایکردوه‌، که‌ سێ به‌شی ئافره‌تانی وڵاتی ئه‌ڵمانیا ئاماده‌ن واز له‌ زیره‌کی بهێنن له‌به‌رامبه‌ر ده‌ستکه‌وتنی جوانیدا و زۆرینه‌شیان له‌ روخساری خۆیان نیگه‌رانن.
له‌و راپرسییه که‌ 1038 ئافره‌ت که‌ ته‌مه‌نیان له‌ نێوان 25-45 ساڵدا بوه‌ و په‌یمانگای (جێفیس) ئه‌نجامیداوه‌، ده‌رکه‌وتوه‌‌ رێژه‌ی 65%ی ئافره‌تان ئاماده‌ن واز له‌ هه‌مو زیره‌کییه‌ک بهێنن له‌به‌رامبه‌ر ده‌ستکه‌وتنی جوانی.
هه‌ر به‌پێی راپرسییه‌که‌ زۆرینه‌ی ئافره‌تانی ئه‌ڵمانیا نیگه‌رانن له‌روخساری خۆیان و به‌دڵیان نیه‌.

زیاتر .....

ویستی‌ قوربانی‌ بكات، خۆی‌ بووه‌ قوربانی‌

له‌میسر پیاوێك بووه‌ قوربانی‌ جه‌ژن كاتێك ویستی‌ مه‌ڕێك بكاته‌ قوربانی‌ به‌ڵام له‌سه‌ربانی‌ ماڵه‌كه‌ی‌ خۆیه‌وه‌ كه‌وته‌ خواره‌وه‌و گیانی‌ له‌ده‌ستدا.
ئه‌و پیاوه‌ كه‌ ناوی‌ مه‌حمود شه‌یبوبه‌‌و ته‌مه‌نی‌ 39 ساڵه‌ له‌ یه‌كه‌م ڕۆژی‌ جه‌ژنی‌ قورباندا مه‌ڕێك ده‌كڕێت‌و ده‌یه‌وێت له‌سه‌ربانی‌ ماڵه‌كه‌ی‌ خۆی‌ سه‌ری‌ ببڕێت‌و بیكاته‌ قوربانی‌ به‌ڵام مه‌ڕه‌كه‌ی‌ له‌ده‌ست به‌رده‌بێت‌و ڕاده‌كات به‌دوایدا، به‌ڵام قاچی‌ ده‌خزێت‌و له‌سه‌ربان ده‌كه‌وێته‌ خواره‌وه‌و ده‌ستبه‌جێ‌ گیانی‌ له‌ده‌ستده‌دات.

زیاتر .....

کەی هەستی بینینی مرۆڤ کەمدەبێتەوە؟

کاتێک مرۆڤ دەچێتە قۆناغەکای پیربونەوە، لەزۆر روەوە هەست بەکەمبونەوەی تواناکانی دەکات یه‌كێك له‌وانه‌ش کەمبونەوەی توانای بینینه‌.

هۆکاری کەمبونەوەی توانای بینینیش دەگەڕێتەوە بۆ لە دەستدانی توانای جیڕی لاستیکی عەدەسەی چاو، ئه‌وه‌ش سوڕاندنی عەدەسەکە کەمده‌كاته‌وه‌، هەربۆیە نزیکترین خاڵی بینین لەبەرچاوی کەسانی بەتەمەن لادەچێت و  بینینیان لە نزیکەوە سەخت دەبێت.

توانای بینینی‌ مرۆڤ له‌ نزیكه‌وه‌ بەپێی قۆناغەکان دەگۆڕێت، به‌م شێوه‌یه‌:

لەتەمەنی 15 ساڵیدا توانای بینین لە دوری7،5سم ده‌بێت.

لەتەمەنی 30 ساڵیدا توانای بینین لە دوری 13،5سم ده‌بێت.

لەتەمەنی 50 ساڵیدا توانای بینین لە دوری40سم ده‌بێت.

لەتەمەنی 60 ساڵیدا توانای بینین لە دوری4سم ده‌بێت.

بینینی‌ ئاسایی مرۆڤ دەکەوێتە نێوان 35-40سم، هەربۆیە لە تەمەنی 45 ساڵیەوە چاویلکە بۆخوێندنەوە پێویستە و گرنگە

.

سۆزان عومەر

زیاتر .....

دوای ساڵێك بۆی دەركەوت مێردەكەی ژنە

میناتی هاتوا كچێكی هندییە و بە گەنجێكی قۆز بەناوی سیتاكانت رۆترای سەرسام دەبێت و دوای پێكهێنانی ژیانی هاوسەری، رۆترای بە هاتوا دەڵێت بەڵێنێكی ئایینیمداوە كە بەهیچ شێوەیەك لەگەڵ ئافرەتدا جوت نەبم تەنانەت ئەگەر خێزانیشم بێت، بەڵام هاتوا داوی ساڵێ گومانی لەمێردەكەی بۆ دروست دەبێت و رۆژێك كە رۆترای خەریكی خۆشتن دەبێت، هاتوا خۆی دەكات بەناو گەرماوەكەدا و ئەوەی چاوەڕێی نەدەكرد بینی ... مێردەكەی ژن دەرچوو

زیاتر .....

گه‌وره‌ترین خێزانی‌ جیهان له‌ 39 ژن و 86 كوڕو كچ و 35 كوڕه‌زاو كچه‌زا پێكدێت و له‌ هندستانه‌

گه‌وره‌ترین خێزان له‌ جیهاندا له‌ 39 ژن و 86 كوڕو كچ و 35 كوڕه‌زاو كچه‌زا پێكدێت و له‌ هندستانه‌.  له‌ یه‌كێك له‌ خانووه‌كانی‌ ویلایه‌تی‌ میزۆرامی‌ باكوری‌ خۆرهه‌ڵاتی‌ هندستان گه‌وره‌ترین خێزانی‌ جیهانی‌ لێیه‌ كه‌ خاوه‌ن ماڵه‌كه‌ ناوی‌ زیونایه‌و خاوه‌نی‌ 39 ژن و 86 كوڕو وكچ و 35 نه‌وه‌یه‌و به‌وه‌ش بونه‌ته‌ گه‌وره‌ترین خێزان له‌ جیهاندا. به‌ پێی‌ هه‌واڵێكی‌ تۆڕی‌ سی‌ ئێن ئێن ئه‌و خێزانه‌ 160 كه‌سیه‌ له‌ خانویه‌كی‌ گه‌وره‌دا ده‌ژین كه‌ له‌ چوار نهۆم پێكهاتووه‌و 22 ژووری‌ نوستنی‌ تێدایه‌. زیونا ده‌ڵێت خوای‌ گه‌وره‌ ئه‌وانی‌ بۆ گه‌یاندنی‌ په‌یامی‌ خۆی‌ هه‌ڵبژاردووه‌و راشیده‌گه‌یه‌نێت كه‌ كوڕ و كچه‌كانی‌ نایانه‌وێت ئه‌و خانووه‌ به‌جێبهێڵن و به‌و هۆیه‌شه‌وه‌ خێزانه‌كه‌یان به‌و شێوه‌یه‌ گه‌وره‌بووه‌. ئه‌و خێزانه‌ هه‌فته‌ی‌ سێ‌ جار مه‌ڕ سه‌رده‌بڕن و هه‌ندێك جاریش سی‌ مریشك و به‌رازێك بۆ ژه‌مێكیان ئاماده‌ده‌كه‌ن و بۆ یه‌ك ژه‌میش خۆراك بڕی‌ 25 كیلۆگرام برنج و 40 كیلۆ په‌تاته‌یان پێویسته‌. زیونای‌ خاوه‌ن گه‌وره‌ترین خێزانی‌ جیهان بۆ یه‌كه‌مجار له‌ ته‌مه‌نی‌ 17 ساڵیدا ژنی‌ هێناوه‌و له‌ ئێستادا ئه‌و ژنه‌ی‌ ته‌مه‌نی‌ 70 ساڵه‌ و بچوكترین ژنیشی‌ ته‌مه‌نی‌ 31 ساڵه‌و به‌هۆی‌ دووره‌په‌رێزی‌ خۆشیه‌وه‌ تا ئێستا خێزانه‌كه‌ی‌ زیونا له‌ كتێبی‌ گینسدا بۆ ژماره‌ پێوانه‌ییه‌كان وه‌ك گه‌وره‌ترین خێزانی‌ جیهان تۆمارنه‌كراوه‌. یه‌كێك له‌ كوڕه‌كانی‌ زیونا ده‌ڵێت كه‌ ژیانیان له‌و خێزانه‌ قه‌ره‌باڵغه‌دا هیچ كێشه‌یه‌كی بۆ دروست نه‌كردوون و هه‌ر كاتێك یه‌كێكیان دوربكه‌وێته‌وه‌ هه‌ست به‌ ته‌نهایی‌ ده‌كات.

زیاتر .....

مادۆنا بیری‌ چوو له‌زگه‌ی‌ نرخی‌ پێڵاوه‌كانی‌ لێ‌ بكاته‌وه‌

چاوی‌ كامێراكان له‌ فیستیڤاڵی‌ تۆره‌نتۆی‌ سینه‌مایی له‌ كه‌نه‌دا، توانیان نرخی‌ پێڵاوه‌كانی‌ شازاده‌ی‌ پۆپی ئه‌مریكی‌ مادۆنا ئاشكرا بكه‌ن. 
به‌هۆی‌ ئه‌وه‌ی‌ ژێری‌ پێڵاوه‌كه‌ی‌ زۆر به‌رز بووه‌ بۆیه‌ توانراوه‌ به‌ ئاسانی‌ نرخی‌ پێڵاوه‌كانی‌ ببینرێ‌ كه‌ 700جونه‌ی‌ ئسترلینی‌ یه‌.
پێشار چاوی‌ كامێراكانی‌ جیهان له‌ فیستیڤاڵێكدا له‌ نیۆیۆرك، نرخی‌ كراسه‌ سوره‌كه‌یان دیوه‌ كه‌ به‌هه‌مان شێوه‌ بیری‌ چووه‌ لێی‌ بكاته‌وه‌ كه‌ 8000 هه‌زار دۆلاری‌ ئه‌مریكی‌ بووه‌.
پێده‌چێت له‌ ئێستادا چاوی‌ كامێراكان له‌سه‌ر مادۆنا بن به‌ هۆی‌ ئه‌وه‌ی‌ كه‌ شازاده‌ی‌ پۆپی‌ ئه‌مریكی‌ یه‌ و، له‌به‌ر خۆشه‌ویستیه‌ تازه‌كه‌ی‌ بیری‌ نه‌ماوه‌ كه‌ خۆی‌ 52 ساڵه‌و خۆشه‌ویسته‌كه‌شی‌ ته‌مه‌نی‌ 24 ساڵه‌و ناوی‌ عه‌لی‌ زیبات-ه‌ و به‌ڕه‌گه‌ز جه‌زائیریه‌. 

زیاتر .....

ئالووده‌ی ئینته‌رنێت مه‌بن

مۆزه‌خانه‌ی‌ په‌یوه‌ندیه‌كان له‌ سویسرا پێشه‌نگایه‌كی‌ له‌ ژێرناوی‌ "په‌یوه‌ندی‌ زیانبه‌خشه‌" كرده‌وه‌ كه‌ مه‌به‌ست لێی‌ هۆشیاركردنه‌وه‌ی‌ ئه‌و كه‌سانه‌یه‌ ماوه‌یه‌كی‌ زۆر له‌سه‌ر ئینته‌رنێت به‌سه‌ر ده‌به‌ن.  له‌ پێشانگاكه‌دا جه‌خت له‌وه‌ كراوه‌ته‌وه‌ كه‌ زانیاری‌ زیاده‌ و ئالووده‌بوون به‌ ئینته‌رنێته‌وه‌ به‌ئه‌ندازه‌ی خواردنه‌وه‌ی‌ ماده‌ كحولیه‌كان و جگه‌ره‌ زیانی‌ هه‌یه‌ بۆ ته‌ندروستی‌ مرۆڤ.

زیاتر .....

بچوكترین ڕۆبۆتی‌ سیخوڕی‌ دروست كرا

له‌ سویسرا دروست كرا ڕۆبۆتێكیان دروستكرد كه‌ به‌ بچوكترین ڕۆبۆتی‌ جیهان داده‌نرێت و له‌نینۆكی‌ سه‌ری‌ په‌نجه‌ی‌ مرۆڤ بچوكتره‌. 
ئه‌و ڕۆبۆته‌ به‌ وزه‌ی‌ خۆر كار ده‌كات و، وزه‌و جوڵه‌و په‌یوه‌ندییه‌ ئه‌لیكترۆنیه‌كان له‌خۆ ده‌گرێت و له‌بواره‌كانی‌ سیخوڕی‌ و هه‌واڵگریدا و به‌ئاستێكی‌ زۆر به‌رز سودی‌ لێ ده‌بینرێت.

زیاتر .....

زانایانی بیانی هاوکاری ئێرانیان کردوه‌

به‌پێی ئه‌و زانیاریانه‌ی له‌سه‌رچاوه‌کانیانه‌وه‌ ده‌ست ئاژانسی نێوده‌وڵه‌تی وزه‌ی ئه‌تۆم که‌وتوه‌، ده‌رکه‌وتوه‌ حکومه‌تی ئێران هه‌نگاوی گرنگی ناوه‌ به‌ره‌و به‌رهه‌مهێنانی چه‌کی ئه‌تۆمی به‌هاوکاری زانایانی بیانی، ئه‌وه‌ش له‌ پێناو چاره‌سه‌رکردنی هه‌ندێک کێشه‌ی ته‌کنیکی که‌ روبه‌ڕویان بوه‌ته‌وه‌.
له‌وباره‌یه‌وه‌ رۆژنامه‌ی (واشنتۆن پۆست)ی ئه‌مه‌ریکی بڵاویکرده‌وه‌، ئاژانسی وزه‌ی ئه‌تۆمی رایگه‌یاندوه‌، تۆمار و به‌ڵگه‌یان لایه‌ که‌زانیاری وردی تێدایه‌ ده‌رباره‌ی (ڤیاشیسلاف دانیلنکۆ) زانای بواری چه‌کی سۆڤیه‌تی پێشو که ‌له‌ماوه‌ی چه‌ند ساڵی رابردودا راهێنانی به‌زانا ئێرانییه‌کان کردوه‌ له‌سه‌ر دروستکردنی ته‌قینه‌وه‌ی گه‌وره‌ی رێکخراو.
ئاماژه‌یان به‌وه‌شداوه‌، ئه‌و هاوکارییه‌ بیانیانه‌ په‌یوه‌ندی به‌ هه‌ریه‌که‌ له‌ وڵاتانی پاکستان و کۆریای باکوریشه‌وه‌ هه‌یه‌، به‌تایبه‌ت (عه‌بدولقه‌دیرخان)ی زانای پاکستانی، که‌ هاوکاری زۆری به‌ره‌وپێشچونی پرۆگرامه‌ ئه‌تۆمییه‌که‌ی ئێرانی کردوه‌.
هاوکات (ده‌یڤد ئه‌لبرایت)، که ‌به‌رپرسێکی پێشوی ئاژانسی وزه‌ی ئه‌تۆمی بوه له‌ رێکخراوی نه‌ته‌وه‌یه‌کگرتوه‌کان‌، باس له‌وه‌ده‌کات، یه‌کێک له‌ ده‌ستکه‌وته‌کانی ئێران که‌ ئاشکراینه‌کردوه‌، ‌توانیویه‌تی دیزانی ئامێرێکی ده‌ست بکه‌وێت به‌ناوی "R265" که‌ ژماره‌یه‌ک بۆمبی تێدایه‌ و به‌شێوه‌یه‌کی ورد و رێکخراو له‌ماوه‌ی که‌متر له‌ چرکه‌یه‌کدا ده‌ته‌قێته‌وه.‌ 
ئه‌لبرایت ئه‌وه‌شی وتوه‌: داهێنانی جۆرێکی وا له‌و ئامێره‌ له‌لایه‌ن ئێرانه‌وه،‌ پێویستیه‌کی زۆری به‌ شاره‌زایی زانایانی بیانی هه‌یه‌.
بڕیاریشه‌ ئاژانسی نێوده‌وڵه‌تی وزه‌ی ئه‌تۆم راپۆرتێک ده‌رباره‌ی هه‌وڵه‌کانی وڵاتی ئێران بۆ به‌ده‌ستهێنانی چه‌‌کی ئه‌تۆمی بخاته‌ڕو، له‌هه‌مان کاتدا به‌رپرسانی ئێران له‌گرنگی ئه‌و راپۆرته‌ که‌مده‌که‌نه‌وه و دوپاتی ده‌که‌نه‌وه‌، ئێران به‌رده‌وام ده‌بێت له‌سه‌ر هه‌نگاوه‌کانی بۆ به‌ده‌ستهێنانی چه‌کی ئه‌تۆمی‌.

زیاتر .....

سه‌گی سه‌ربازی به‌رهه‌م ده‌هێنرێت

كۆمپانیای   بۆستۆن داینه‌میكسی ئه‌مه‌ریکی له‌هه‌وڵی دروستکردنی جۆره‌ رۆبۆتێکی‌ سه‌گدایه‌ که‌ هاوکاری سه‌ربازانی ئه‌مه‌ریکا ده‌کات له‌هه‌‌ڵگرتنی چه‌ک و پێداویستییه‌ سه‌ربازییه‌کان.

ئه‌و کۆمپانیایه‌ که‌ سه‌گێکی رۆبۆتی بۆ تاقیکردنه‌وه‌ دروستکردوه‌ و ئاماژه‌ی به‌وه‌داوه‌، ئه‌و سه‌گه‌ له‌توانایدایه‌ 181 کیلۆگرام که‌لوپه‌لی سه‌ربازی هه‌ڵبگرێت و توانای بڕینی 32 کیلۆمه‌تریشی هه‌یه‌.

هه‌روه‌ها ئه‌و سه‌گه‌ به‌ سیستمی (G.P.S) کارده‌کات و توانای سه‌رکه‌وتنی به‌سه‌ر سه‌خترین شوێندا هه‌یه‌ و به‌رگه‌ی سه‌رما و گه‌رمای زۆریش ده‌گرێت، له‌گه‌ڵ چه‌ندین خزمه‌تگوزاری دیکه‌ که‌ ده‌توانرێت سودی زۆری لێ وه‌ربگیرێت.

ئه‌وه‌ش له‌کاتێکدایه‌ سه‌ربازێکی ئاسایی، نزیکه‌ی 70 کیلۆگرام که‌لوپه‌ل و پێداویستی سه‌ربازی هه‌ڵده‌گرێت، ئه‌مه‌ش بوه‌ته‌ بارێکی زۆر به‌سه‌ر شانی سه‌ربازه‌کانه‌وه هه‌ر‌‌بۆیه‌ ئه‌و کۆمپانیایه‌ بیری له‌ دروستکردنی سه‌گێکی له‌و شێوه‌یه‌ کردوه‌ته‌وه‌‌.

زیاتر .....

شاخێکی هێنده‌ی نیویۆرک جیاده‌بێته‌وه

زانایانی ده‌سته‌ی نیشتیمانی ئه‌مه‌ریکا (ناسا) رایانگه‌یاند؛ درزێکی گه‌وره‌ که‌وتوه‌ته‌ شاخێکی به‌سته‌ڵه‌ک له‌ جه‌مسه‌ری باشوری گۆی زه‌وی و رۆژ به‌ رۆژیش درزه‌که‌ رو له‌ فراوانبون ده‌کات، پێشبینیش ده‌که‌ن، له‌ماوه‌ی چه‌ند مانگی داهاتودا به‌ته‌واوه‌تی شاخه‌که‌ جیاببێته‌وه‌.
ئه‌و شاخه‌ به‌سته‌ڵه‌که‌ قه‌باره‌که‌ی هێنده‌ی ناو شاری نیویۆرک ده‌بێت، هه‌روه‌ها قوڵییه‌که‌ی 50 مه‌تره‌ و نزیکه‌ی 30 کیلۆمه‌تریش درێژبوه‌ته‌وه‌.
زانایه‌کی ئاژانسه‌که‌ش ئاشکرایکردوه‌، رۆژانه‌ درزی ئه‌و شاخه‌ به‌سته‌ڵه‌کییه‌ به‌رێژه‌ی دو مه‌تر زیاد ده‌کات، ئاماژه‌ی به‌وه‌شداوه‌، ئه‌و جۆره‌ روداوانه‌ چه‌ند ساڵ جارێک دوباره‌ ده‌بنه‌وه و دوایین روداویش، جیابونه‌وه‌ی که‌رته‌ شاخێک بوه‌ له‌ساڵی 2001دا‌.
ئه‌و زانایه‌ رایگه‌یاندوه‌: له‌مانگی سیپته‌مبه‌ری رابوردودا چاودێری ئه‌و شاخه‌ کراوه‌ و پێشبینیش ده‌کرێت له‌سه‌ره‌تای ساڵی داهاتودا به‌ته‌واوه‌تی شاخه‌که‌ جیاببێته‌وه.

زیاتر .....

به‌ڕازیل به‌ته‌واوی ئه‌ستێره‌كانیه‌وه‌ روبه‌ڕوی مصر ده‌بێته‌وه‌

هه‌ڵبژارده‌ی به‌ڕازیلی میوانداری مۆندیالی ساڵی 2014 له‌ مانگی داهاتودا دو یاری دۆستانه‌ ئه‌نجام ده‌دات و بۆ ئه‌و دو یاریه‌ش ته‌واوی ئه‌ستێره‌كانی بانگهێشت ده‌كات.
مانۆ مینیزێسی راهێنه‌ری هه‌ڵبژارده‌ی به‌ڕازیل له‌ میانه‌ی كۆنگره‌یه‌كی رۆژنامه‌وانیدا رایگه‌یاند كه‌ هه‌ڵبژارده‌كه‌ی له‌ مانگی داهاتودا دو یاری دۆستانه‌ ئه‌نجام ده‌دات و روبه‌ڕوی هه‌ڵبژارده‌كانی مصرو گابۆن ده‌بێته‌وه‌، ئاماژه‌شی به‌وه‌كرد كه‌ بۆ ئه‌نجامدانی ئه‌و دو یاریه‌ سه‌رجه‌م یاریزانه‌ به‌هێزه‌كانی هه‌ڵبژارده‌كه‌ی بانگهێشت ده‌كات و له‌و دو یاریه‌دا به‌شداریان پێده‌كات.
لای خۆشیه‌وه‌ شێخ ئه‌حمه‌د بن خه‌لیفه‌ ئال سانی سه‌رۆكی یه‌كێتی تۆپی پێی قه‌ته‌ر به‌شێوه‌یه‌كی فه‌رمی ئاماده‌یی وڵاته‌كه‌ی ده‌ربڕی بۆ میوانداریكردنی یاری نێوان هه‌ڵبژارده‌كانی مصرو به‌ڕازیل و پێده‌چێت ئه‌و یاریه‌ دۆستانه‌یه‌ له‌ ناوه‌ڕاستی مانگی داهاتودا له‌ شاری ده‌وحه‌ ئه‌نجامبدرێت.

زیاتر .....

ئه‌و داهێنه‌رانه‌ی ناویان چوه‌‌ مێژوه‌وه‌

(لویس واته‌رمان)، داهێنه‌ری قه‌ڵه‌می مه‌ره‌که‌ب له‌ساڵی 1884

(جۆد داسۆن) داهێنه‌ری ( زنجیری پانتۆڵ ) له‌ساڵی 1890

(والته‌ر هنت) داهێنه‌ری (ده‌رزی ئه‌ڵقه) له‌ساڵی 1849
 

(ماریۆن دۆنۆڤان) داهێنه‌ری (دایبی) له‌ساڵی 1950

(نۆرمان جوزێف) داهێنه‌ری (کۆدی شمه‌کی جیهان)ی له‌ساڵی 1948  

(لیفی ستراوش) داهێنه‌ری، کاوبۆی (جینز) له‌ساڵی 1829. 

(بنجامین فرانكلین) داهێنه‌ری (چاویلکه‌ی پزیشک)ی له‌ساڵی 1748

(کرافت)، داهێنه‌ری یه‌که‌مین په‌نیری ئاماده‌کراو له‌ جیهاندا له‌ساڵی 1903دا

(جۆرج كرۆم )، داهێنه‌ری (په‌تاته‌ی چپس) له‌ساڵی 1853دا

(والته‌ر دیمه‌ر)، داهێنه‌ری بنێشت له‌ساڵی 1928 دا

(جۆن بیمبه‌رتۆن) داهێنه‌ری خواردنه‌وه‌ی غازی کۆکاکۆلا له‌ساڵی 1888دا.

(ولیام میشێل)، داهێنه‌ری شه‌ربه‌تی (تانگ) له‌ساڵی 1957

(تۆماس لیبتۆن) داهێنه‌ری (چای کیس) له‌ساڵی 1908دا

زیاتر .....

ترسناکترین فیلمه‌کانی مێژوی سینه‌ما

 دراکۆلا * 
فیلمی (دراکۆلا) یه‌کێکه‌ له‌ ترسناکترین فیلمه‌کانی مێژوی سینه‌ماو له‌نوسینی (برام ستۆکه‌ر)ی ئێرله‌ندییه‌، له‌گرنگرین ئه‌و ئه‌کته‌رانه‌ی رۆڵه‌که‌یان به‌رجه‌سته‌کردوه‌، بریتین له‌ ( بیلا لاگۆسی و کریستۆفه‌ر لی) له‌ سه‌ده‌کانی رابوردودا.

توالایت *
ئه‌م فیلمه‌ باس له‌ چیرۆکی خۆشه‌ویستی نێوان (خوێن خۆره‌کان) ده‌کات و تیایدا هه‌ردو ئه‌کته‌ر (باڤی) و (ئه‌نجێل) رۆڵی سه‌ره‌کی تێدا 

ده‌گێڕن و به‌یه‌کێک له‌ ترسناکترین فیلمه‌کانی جیهان داده‌نرێت.

پیاوی گورگ *
پیاوی گورگ، یه‌کێکه‌ له‌و فیلمه‌ ترسناکانه‌ی که‌ تیایدا باس له‌ به‌رجه‌سته‌بونی گورگ ده‌کات له‌ له‌شی مرۆڤدا و یه‌که‌مین نمایشی له‌ ساڵی 1941دا بوه‌، تیایدا (لۆن چانی جۆنیۆر) رۆڵی سه‌ره‌کی به‌رجه‌سته‌ کردوه‌.

(Mutant) *
ئه‌م فیلمه‌ له‌ نوسینی، نوسه‌ری به‌ناوبانگ (ماری چیلی)یه‌ و باس له‌ چیرۆکی پزیشکێک ده‌کات که‌ مرۆڤه‌کان ده‌خاته‌ لاشه‌ی مردوه‌کانه‌وه‌

(زۆمبی) *
واتای مردوی زیندو، یه‌کێکه‌ له‌ فیلمه‌ ترسناکه‌کانی مێژوی سینه‌ما و له‌ ده‌رهێنانی (جۆرج رۆمیرۆ)یه‌ که‌ له‌ساڵی 1968دا نمایشکراوه‌، دواتریش له‌ساڵی 1981 به‌شێوازێکی تر نمایشکراوه‌ته‌وه‌.

( کابوسی شه‌قامی ئیلم) *

ئه‌مه‌ش به‌ یه‌کێکی دیکه‌ له‌ فیلمه‌ ترسناکه‌کانی جیهان داده‌نرێت و له‌ده‌رهێنانی (ویس کریڤن)ه‌ و له‌ساڵی 1984 دا نمایشکراوه‌، ئه‌م فیلمه‌ باس له‌ که‌سایه‌تیه‌ک ده‌کات که‌ روخساری شێواوه‌ و له‌رێگه‌ی چه‌قۆوه‌، هاوڵاتیان له‌ خه‌وه‌کانیاندا ده‌کوژێت. 

خوێنڕێژ *

ئه‌م فیلمه‌ باس له‌ "نه‌مریی" که‌سه‌ خوێنڕێژه‌کان ده‌کات و تیایدا ئه‌کته‌ری به‌ناوبانگ (جایسۆن فۆرهێز) رۆڵی سه‌ره‌کی ده‌بینێت و له‌و فیلمه‌دا تۆڵه‌ له‌و که‌سانه‌ ده‌کاته‌وه،‌ که‌ به‌منداڵی له‌ روبارێکدا خنکاندویانه‌ و دواتر زیندو بوه‌ته‌وه‌.

 (هالوین) *

له‌ساڵی 1982دا نمایشکراوه‌ و (جۆن کاربرته‌ر) ده‌رهێنه‌ری بوه‌، ئه‌م فیلمه‌ باس له‌ که‌سێک ده‌کات که‌له ‌بۆشایی ئاسمانه‌وه‌ هاتوه‌ و خۆی له‌ وێنه‌ی قوربانیه‌کاندا به‌رجه‌سته‌ده‌کات و تاکه‌ رێگاش بۆ له‌ناوبردنی (ئاگر)ه‌.

 چاکی *

باس له‌ به‌رجه‌سته‌بونی رۆحێکی دڕنده‌ ده‌کات له‌و بوکه‌ڵه‌یه‌دا و له‌ زینجیره‌یک فیلم پێکهاتوه،‌ که‌ به‌یه‌کێک له‌ هه‌ره‌ ترسناکترین فیلمه‌ 

سینه‌ماییه‌کان داده‌نرێت.

زیاتر .....

ئه‌و شتانه‌ی‌ كۆنتڕۆڵی‌ لاشه‌ی مرۆڤ ده‌كه‌ن

:شوان ڕابه‌ر

لاشه‌ی مرۆڤ هه‌ر شێوه‌یه‌ك بێت، چه‌ند شتێكی‌ نادیار و مه‌عنه‌وی‌ كۆنتڕۆڵی ده‌كه‌ن، به‌ چاكه‌ یا خراپه‌ به‌كاری‌ دێنن و كاریگه‌ری ده‌كه‌نه‌ سه‌ر.
ئه‌و شتانه‌ش كه‌ لاشه‌ی مرۆڤ كۆنتڕۆڵ ده‌كه‌ن ئه‌مانه‌ن:
 ئه‌قڵ: له‌ مرۆڤدا زۆر ده‌وری‌ هه‌یه‌، سه‌ردارو رابه‌رایه‌تی‌ مرۆڤ ده‌كات، لاشه‌ی‌ بێ‌ ئه‌قڵ بێ‌ گیانه‌، مرۆڤی شێت و نائاقڵ كرداری‌-1 ناشایسته‌ ‌و سه‌یر ده‌كات، ئه‌قڵ مرۆڤ كۆنتڕۆڵ و ئاراسته‌ ده‌كات. 

2- غیره‌ت: غیره‌ت و جورئه‌تی‌ تایبه‌تی‌ مرۆڤ رۆڵی‌ زۆری له‌ هه‌ڵسوڕاندن و ئاراسته‌ و كۆنتڕۆڵ كردنیدا هه‌یه‌. 
3- غه‌ریزه‌: چاك ‌و خراپه‌كانی‌ مرۆڤ رۆڵیان له‌جولاَندن و هه‌ڵسوڕاندنی‌ مرۆڤدا هه‌یه‌. 
4- هێز: هه‌مو مرۆڤێك كۆمه‌ڵێك هێزی‌ مه‌عنه‌وی و شاراوه‌ی‌ هه‌یه‌، كه‌ كارده‌كاته‌ سه‌ر لاشه‌ی‌ مرۆڤ وجوڵه‌ی‌ پێده‌كات. 
5- سۆزوپه‌رۆش: بێگومان عاتیفه‌ و حه‌ماسه‌تی‌ مرۆڤ رۆڵ و كاریگه‌ریان هه‌یه‌ له‌سه‌ر چۆنیه‌تی‌ هه‌ڵسوڕاندنی‌. 
6-  ده‌مارگیری‌: هه‌مو مرۆڤێك جۆرێ‌ له‌ڕه‌گه‌ز په‌رستی‌ و ده‌مارگیری‌ هه‌یه‌، پابه‌نده‌ به‌شتێك وبه‌ پیرۆزی‌ ده‌زانێ‌، واته‌ ئه‌گه‌ر لێ‌ ی‌ داگیربكرێ‌ و زه‌می‌ بكرێ‌ ئه‌وا سه‌رودڵ‌ و ده‌ماری‌ پێ‌ ده‌گیرێ‌.
7- خۆشه‌ویستی‌: غه‌ریزه‌ی‌ خۆشه‌ویستی‌ و رق لێبونه‌وه‌ كارله‌سه‌ر مرۆڤ ده‌كات.
8- نه‌رمی‌ وتوڕه‌یی‌: هه‌مو مرۆڤێك به‌شێك له‌سیفه‌تی‌ نه‌رمی‌ وتوڕه‌یی‌ هه‌یه‌ كار ده‌كاته‌ سه‌ر ئه‌قڵ‌ و لاشه‌ و هه‌ڵسوكه‌وته‌كانی‌.
9- خۆشی‌ و ناخۆشی‌ ناوناخی‌ مرۆڤ كار له‌دڵ‌ و ده‌رون و لاشه‌ و په‌یكه‌ری‌ مرۆڤ ده‌كات.
10- سه‌بر و قه‌ناعه‌ت: رازیبون و ناڕازی‌ بونی‌ مرۆڤ به‌كێشه‌ و به‌شی‌ ژیانی‌ كار له‌ ژیان و لاشه‌ و هه‌ڵسوكه‌وتی‌ مرۆڤ ده‌كات.

زیاتر .....

8ی ئه‌م مانگه‌ له‌زه‌وی نزیکده‌بێته‌وه‌

  ئاژانسی ناسای ئه‌مریكی ئاشكرایكردووه‌ ،ڕێككه‌وتی 8ی ئه‌م مانگه‌ هه‌ساره‌یه‌ك له‌ گۆی زه‌وی نزیك ده‌بێته‌وه‌ ،به‌بێ ئه‌وه‌ی هیچ زیانێك به‌ زه‌وی بگه‌یه‌نێت 

به‌پێی هه‌واڵه‌که‌ی ئاژانسی ناسا، ئه‌و هه‌ساره‌یه‌ به‌لای زه‌ویدا تێپه‌ڕ ده‌بێت و هێچ زیانێکی نابێت، پێشبینیش ده‌کرێت ئه‌و هه‌ساره‌یه‌ به‌چاو ببینرێت و نزیکتر له‌ مانگ ده‌ربکه‌وێت.
زانایانیش ئاماژه ‌بۆ ئه‌وه‌ ده‌که‌ن، له‌ئه‌گه‌ری پێکدادانی ئه‌و هه‌ساره‌یه‌ به‌زه‌ویدا،

زیاتر .....