دانیال ئالڤێس ره‌تیكرده‌وه‌ یانه‌ی‌ به‌رشه‌لۆنه‌ جێبهێڵێت

به‌شێوه‌یه‌كی‌ فه‌رمی دانیال ئالڤێسی به‌رازیلی بریاریدا له‌ریزی یانه‌ی‌ به‌رشه‌لۆنه‌ بمێنێته‌وه‌.

له‌گه‌ڵ ئه‌وه‌ی‌ له‌ماوه‌ی‌ رابردودا به‌ڕێوه‌به‌ری كاره‌كانی ئالڤێس رۆیشتنی ئه‌و به‌رگریكاره‌ به‌رازیلیه‌ له‌یانه‌ی‌ به‌رشه‌لۆنه‌ی‌ به‌دورنه‌زانی، به‌ڵام ئه‌مرۆ به‌فه‌رمی ئالڤێس مانه‌وه‌ی‌ خۆی له‌یانه‌ی‌ به‌رشه‌لۆنه‌ دوپاتكرده‌وه‌.

له‌لێدوانێكیدا دانیال ئالڤێسی به‌رازیلی رایگه‌یاند: ده‌مه‌وێت له‌گه‌ڵ یانه‌ی‌ به‌رشه‌لۆنه‌ درێژه‌ به‌یاریكردن بده‌م و هه‌ر له‌و یانه‌یه‌ش واز له‌تۆپی پێ ده‌هێنم.

زیاتر .....

قاوه‌خانه‌ی‌ كچان كرایه‌وه‌

هه‌شت كچی‌ فه‌له‌ستینی‌ له‌ناوه‌راستی شاری‌ رامه‌ڵلای كه‌رتی خۆرئاوای ئیسرائیل، چایخانه‌یه‌كی‌ تایبه‌ت به‌ژنانیان كرده‌وه‌.


سوهاد كه‌یه‌كێكه‌ له‌و كچانه‌، ئاماژه‌ی به‌وه‌كرد، بیرۆكه‌ی‌ كردنه‌وه‌ی‌ چایخانه‌كه‌، دوای ئه‌وه‌ هاتووه‌، كه‌هه‌رجاره‌ له‌گه‌ڵ كچانی هاوڕێیكدا له‌چایخانه‌یه‌ك كۆبوونه‌ته‌وه‌، به‌ڵام به‌هۆی‌ بوونی پیاوان ئیسراحه‌تی‌ خۆیان وه‌رنه‌گرتووه‌.


له‌به‌ر ئه‌وه‌ رێككه‌وتن له‌سه‌ر كردنه‌وه‌ی‌ چایخانه‌كه‌و ناویان لێنا چایخانه‌ی‌"لیدیز"ی میللی، تایبه‌ت به‌ژنان و كچان".

زیاتر .....

ئاماده‌بوون له‌كۆنسێرتێكی‌ خۆڕایی له‌هه‌ولێر به‌پاره‌ بووه‌

پێگه‌ی‌ "کوردمیلۆدی" كه‌ بایه‌خ به‌ بڵاوكردنه‌وه‌ی‌ هه‌واڵه‌ هونه‌رییه‌كان ده‌دات بڵاویكرده‌وه‌لە ماوەی رابردوودا، لە کۆنسێرتێکی گۆرانی خۆڕایی شاری هەولێر پۆلیسی تایبەتی هۆڵی کۆنسێرتەکە بۆ چوونە ژوورەوە پارەی‌ لە خەڵکی وەرگرتووه‌.

به‌پێی وته‌ی‌ یه‌كێك له‌ ئاماده‌بوان، کۆنسێرتەکە لە لایەن وەزارەتی رۆشنبیری ئامادەکاری بۆ کرابوو، چونەژوورەوەی کۆنسێرتەکەش بە خۆڕایی و بۆ هەموو کەسێک بووه‌، بەڵام پۆلیسە تایبەتییەکانی ئەو هۆڵەی کۆنسێرتی تێدا ئەنجام دەدرا، بۆ چوونە ژوورەوە لە هەر کەسێک بڕی ٣ هەزار دیناری عێراقیان وەرگرتووه‌.

پێگه‌كه‌ نوسیویه‌تی‌ ناوی هۆڵەکەو ئەو هونەرمەندانەی کۆنسێرتەکەیان بۆ کرا لە لای پارێزراوە.

زیاتر .....

باسكاڵ و كازم پێش ناوبانگ په‌یداكردن خه‌ریكی‌ چی‌ بوون؟

پێگه‌ی‌ یاهو بڵاویكرده‌وه‌ باسكاڵ مشعه‌لانی‌ گۆرانیبێژی‌ لوبنانی‌ پێش ئه‌وه‌ی‌ ده‌ست به‌كاری‌ هونه‌ری‌ بكات و ببێته‌ یه‌كێك له‌ئه‌ستێره‌كانی‌ عه‌ره‌ب له‌یه‌كێك له‌ چێشتخانه‌كان كاریكردووه‌.


پێگه‌كه‌ نوسیویه‌تی‌ باسكاڵ وه‌كو پێشوازیكه‌ری‌ میوانه‌كان له‌ یه‌كێك له‌ چێشتخانه‌كان كاریكردووه‌ پێش ئه‌وه‌ی‌ له‌ پێشبڕكێی دیاریكردنی‌ شاجوانی‌ لوبنان سه‌ركه‌وتن به‌ده‌ستبهێنێت كه‌ ده‌روازه‌ی‌ ناوبانگ په‌یداكردنی‌ به‌روویدا كرده‌وه‌.


هه‌روه‌ها كازم ساهیر گۆرانیبێژی‌ به‌ناوبانگی‌ عێراقی‌ پێشتر 
مامۆستای‌ هونه‌ر بووه‌ له‌یه‌كێك له‌ قوتابخانه‌كانی‌ موسڵ پێش ئه‌وه‌ی‌ ناوبانگ په‌یدابكات.














سەرچاوە- NRT

زیاتر .....

ژنیکی 80 ساڵه‌ دووگیانه‌

پیره‌ژنێكی‌ تونسی‌ هه‌شتا ساڵه‌ پاش پشكنینی‌ پزیشكی‌ ده‌ركه‌وت كه‌ دووگیانه‌، كۆرپه‌له‌كه‌ی‌ چوار مانگه‌، ئه‌مه‌ش داده‌نرێت به‌ ڕووداوێكی‌ زۆر ده‌گمه‌ن.

به‌گوێره‌ی‌ هه‌واڵێكی‌ ڕۆژنامه‌ی‌ ئه‌لئه‌نبائی‌ كوه‌یتی‌، پیره‌ژنێكی‌ تونسی‌ ته‌مه‌ن هه‌شتا ساڵه‌، ده‌ركه‌وت دووگیانه‌‌و له‌ هه‌فته‌ی‌ شانزه‌هه‌می‌ دووگیانبوندایه‌، ئه‌مه‌ش داده‌نرێت به‌ڕووداوێكی‌ زۆرده‌گمه‌ن‌و سه‌رسوڕهێنه‌ر.

وه‌ك له‌ هه‌واڵه‌كه‌دا هاتووه‌ ئه‌و پیره‌ژنه‌، پاش ئاشكرابوونی‌ دووگیانبوونه‌كه‌ی، چوو بۆ نه‌خۆشخانه‌یه‌ك له‌ شاری‌ (سیدی‌ بوزید) تا كۆرپه‌له‌كه‌ی‌ بۆ له‌ناوبه‌رن، به‌ڵام دكتۆره‌كان داواكه‌یان ڕه‌تكرده‌وه‌ له‌به‌رئه‌وه‌ی‌ كۆرپه‌له‌كه‌ چوار مانگه‌‌و ڕۆح چووه‌ به‌به‌ریا، ئه‌م ڕووداوه‌ش ڕووداوێكی‌ زۆر ده‌گمه‌نه‌، دكتۆره‌كان پێیان وایه‌ كه‌ ڕێده‌كه‌وێت به‌ده‌گمه‌ن هێلكه‌كان له‌ئافره‌تدا دیار نامێنێنن یان بوه‌ستن دواتر دوای‌ 30 تا 40 ساڵ جارێكی‌ دیكه‌ ده‌ركه‌ونه‌وه‌، پێده‌چێت ڕووداوی‌ ئه‌م ژنه‌ش بریتیی‌ بێت له‌بارودۆخێكی وا.

زیاتر .....

به‌كارهێنانی‌ حه‌پی‌ ئه‌سپرین وه‌ك چاره‌سه‌ری‌ شێرپه‌نجه‌

لێكۆڵینه‌وه‌یه‌كی‌ نوێ‌ كه‌ له‌ زانكۆیه‌كی‌ وڵاَتی‌ دانیمارك ئه‌نجامدراوه‌ ئاشكرایده‌كات، كه‌ حه‌پی‌ ئه‌سپرین یان ئیبوپرۆفین به‌شێوه‌یه‌كی‌ به‌رچاو مه‌ترسی‌ شێرپه‌نجه‌ی‌ پێست كه‌مده‌كاته‌وه‌، هه‌روه‌ها ئه‌م حه‌په‌ مه‌ترسی‌ جه‌ڵته‌ی‌ دڵ و جه‌ڵته‌ی‌ مێشك و هه‌وكردنی‌ جومگه‌كان و شێرپه‌نجه‌ی‌ مه‌مك كه‌مده‌كاته‌وه‌.
توێژه‌ران لێكۆڵینه‌وه‌كه‌یان له‌سه‌ر چه‌ند كه‌سێك ئه‌نجامدا و بۆیان ده‌ركه‌وت، ئه‌و كه‌سانه‌ی‌ كه‌ 7 ساڵ یان زیاتر ئه‌م ده‌رمانانه‌یان به‌كارهێناوه‌ مه‌ ترسی‌ توشبونیان به‌ جۆره‌ ترسناكه‌كانی‌ شێرپه‌نجه‌ی‌ پێست كه‌متره‌ به‌ ڕێژه‌ی‌ %15 ، بۆیه‌ توێژه‌ره‌كان رایده‌گه‌یه‌نن، كه‌ ئه‌م حه‌په‌ رێگری‌ ده‌كات له‌ توشبون به‌ ترسناكترین جۆره‌كانی‌ شێرپه‌نجه‌ی‌ پێست.
ئه‌مەش‌ له‌ كاتێكدایه‌  لێكۆڵینه‌وه‌كانی‌ پێشتر ئاماژه‌یان به‌وه‌ كردوه،‌ كه‌ ده‌رمانه‌كانی‌ ئه‌سپرین و ئیبوپرۆفین و ناپرۆكسین ده‌توانن رێگری‌ بكه‌ن له‌ چه‌ند جۆرێكی‌ شێرپه‌نجه‌، وه‌ك شێرپه‌نجه‌ی‌ گه‌ده‌ و په‌نكریاس و سییه‌كان و گورچیله‌ و میزه‌ڵدان و پرۆستات و شێرپه‌نجه‌ی‌ مه‌مك.










سبەی -دەریا ئازاد

زیاتر .....

بە هۆی ناردنی‌ پێنج هه‌زار نامەوە دەستگیرکرا‌

پۆلیسی‌ ئیتاڵیا كچێكیان ده‌ستگیركردوه‌، كه‌ له‌ ماوه‌ی‌ سێ مانگدا بێ ئه‌وه‌ی‌ خۆی‌ بناسێنێت پێنج هه‌زار كورته‌ نامه‌ی‌ بۆ ده‌زگیرانه‌كه‌ی‌ ناردوه‌.
ئاژانسی‌ هه‌واڵی‌ ئیتاڵی‌ بڵاویكرده‌وه‌، كه‌ پۆلیسی‌ شاری‌ تێرنی‌ له‌ هه‌رێمی‌ ئۆمباریا كچێكی‌ ته‌مه‌ن 31 ساڵانیان ده‌ستگیركردوه‌، به‌هۆی‌ ئه‌وه‌ی‌ له‌ ماوه‌ی‌ سێ مانگی‌ رابردودا، پێنج  هه‌زار نامه‌ی‌ بۆ ده‌زگیرانه‌كه‌ی‌ ناردوه‌.
سه‌رچاوه‌یه‌كی‌ ئه‌منی‌ رایگه‌یاندوه‌، كوڕه‌كه‌ لای‌ پۆلیس سكاڵای‌ له‌ نه‌ناسراوێك كردوه‌، به‌هۆی‌ ئه‌وه‌ی‌ له‌به‌ر فشاری‌ زۆری‌ ئه‌و نامانه‌ كاره‌كه‌ی‌ له‌ده‌ستداوه‌، كه‌ هه‌ندێكیان هه‌ڕه‌شه‌ی‌ كوشتنیان تێدایه‌ و سه‌ره‌ڕای‌ ئه‌وه‌ش كۆمپیه‌ته‌ره‌كه‌ی‌ هاككراوه‌.
ئه‌و سه‌رچاوه‌یه‌ ئاماژەی بەوەشداوە، پاش لێكۆڵینه‌وه‌ ده‌ركه‌وتوه‌، ده‌زگیرانی‌ كوڕه‌كه‌ نامه‌كانی‌ ناردوه‌ و 15 هێڵی‌ جیاوازیشی‌ به‌كارهێناوه‌، هه‌روه‌ها ئیمه‌یڵه‌كانیش له‌ كۆمپیوته‌ری‌ كچه‌كه‌وه‌ هاتون.
لای‌ خۆیه‌وه‌ كوڕه‌كه‌ش رایگەیاند:‌ بڕوا ناكه‌م ده‌زگیرانه‌كه‌م ئه‌و كاره‌ی‌ كردبێت، ده‌زانم كه‌ ئیره‌ییم لێده‌كات، به‌ڵام هه‌رگیز باوه‌ڕم نه‌كردوه‌ بگاته‌ ئه‌و راده‌یه‌، له‌كاتێكدا به‌ هیچ جۆرێك خیانه‌تم لێنه‌كردوه‌.

زیاتر .....

دیواری‌ چین له‌ جاران درێژتر بوه‌

سه‌رچاوه‌ رۆژنامه‌وانییه‌كانی چین ئاماژه‌یان به‌وه‌داوه‌، كه‌ درێژی‌ دیواری‌ چین، درێژتره‌ له‌وه‌ی‌ كه‌ له‌ رابوردودا باسی لێده‌كرا.
ئاژانسی هه‌واڵی‌ چین (چینخوا) رایگه‌یاندوه‌: به‌پێی‌ روپێوێك كه‌ له‌مدواییانه‌دا كراوه‌، درێژایی دیواره‌كه‌ به‌ نزیكه‌ی‌ 13.17 میل مه‌زه‌نده‌ كراوه‌ (21.196 كیلۆمه‌تر).
دیواری‌ گه‌وره‌ی‌ چین كه‌ یه‌كێكه‌ له‌ حه‌وت سه‌رسوڕهێنه‌ره‌كه‌ی‌ جیهان، له‌ نێوان 475 ساڵ پێش زایین تا 1644 بۆ پاراستنی‌ وڵاته‌ له‌ هێرشی‌ وڵاتان دروستكراوه‌.
به‌پێی‌ روپێوێك كه‌ له‌ 2007 دا كرا، روبه‌ری‌ دیواره‌كه‌ به‌ 5.499 میل (8.851 كیلۆمه‌تر) مه‌زه‌نده‌ كرابو.

زیاتر .....

دروستكردنی‌ گڵۆپێك كه‌ به‌ خوێنی‌ مرۆڤ ئیشده‌كات

داهێنه‌رێكی‌ ئه‌مریكی‌ له‌ ویلایه‌تی‌ كالیفۆرنیا، جۆرێكی‌ نوێی‌ گڵۆپی‌ به‌رهه‌م هێناوه،‌ كه‌ له‌ بری وزه‌ی‌ كاره‌با به‌ چه‌ند دڵۆپێك له‌ خوێنی‌ مرۆڤ ده‌كه‌وێته‌ كار .
بۆ داگیرساندنی‌ ئه‌م گڵۆپه،‌ پێویسته‌ له‌ ده‌رچه‌كه‌یه‌وه‌ كه‌ ده‌كه‌وێته‌ به‌شی‌ سه‌ره‌وه‌ی‌ گڵۆپه‌كه‌، چه‌ند دڵۆپێك خوێنی‌ تێ‌ بكرێت، پاشان خوێنه‌كه‌ له‌گه‌ڵ ماده‌ كیمیاییه‌كانی‌ ناو گڵۆپه‌كه‌ جۆرێك له‌ كارلێك دروستده‌كه‌ن وئه‌مه‌ش ده‌بێته‌ هۆی‌ بڵاوبونه‌وه‌ی‌ روناكیه‌كی‌ شین له‌ گڵۆپه‌كه‌وه‌.
داهێنه‌ری‌ ئه‌م گڵۆپه‌، هه‌روه‌ك خۆی‌ ئاماژه‌ی‌ پێداوه‌، ده‌یه‌وێت له‌ رێگه‌ی‌ ئه‌م كاره‌یه‌وه‌ ئه‌وه‌ بگه‌یه‌نێت، كه‌ هه‌روه‌كچۆن 
له‌ناوچونی‌ خوێنی‌ مرۆڤ مه‌ترسیداره، بۆسه‌ر ژیانی‌ كه‌سه‌كه‌، زیاد به‌كارهێنانی‌ وزه‌ش مه‌ترسیداره‌ بۆ ژینگه‌.












سبەی - دەریا ئازاد

زیاتر .....

سامسۆنگ، گالاکسی (ئێس 3)ی خستە بازاڕەوە

کۆمپانیای سامسۆنگ بۆ بەرهەمهێنانی ئامێری تەکنەلۆژیا، نوێترین ئامێری مۆبایلی جۆری گالاکسی (ئێس 3)ی خستە بازاڕەکانەوە.
ئەو هەوڵەی سامسۆنگ دوای ئەو سەرکەوتنانە دێت کە لەڕێی کارپێکردنی سیستەمی ئەندرۆیدەوە بەدەستیهێنا لەماوەی دو ساڵی رابردودا.
لە تایبەتمەندییەکانی گالاکسی (ئێس 3)، کێشی 133 گرامەو  خێراییەکەی 1.4 گێگا هێرتزە، لە هەرسێ جۆری 16 و 32 و 64 گێگا بایت بەرهەم هێنراوە.
هەروەک کامێراکەی 8 مێگاپێکسڵە و توانای وێنەگرتنی 3.3 وێنەی هەیە لە چرکەیەکدا، لەگەڵ چەندین تایبەتمەندی دیکە.

زیاتر .....