چین؛ له‌ساڵێكدا 28 هه‌زار كه‌س به‌نه‌خۆشی ئایدز مردون

به‌پێی ئامارێكی حكومه‌تی چین، له‌ماوه‌ی ساڵی رابردودا  (28)هه‌زار كه‌س له‌و وڵاته‌ به‌ نه‌خۆشی (ئایدز) مردون و (48) هه‌زار كه‌سیش هه‌ڵگری ڤایرۆسی (HIV)ین.
رۆژنامه‌ی (چاینا ده‌یلی) له‌ژماره‌ی ئه‌مڕۆیدا دوا ئاماری ساڵی رابردوی توشبوانی نه‌خۆشی ئایدز (نه‌مانی به‌رگری له‌ش)ی له‌ چین بڵاوكرده‌وه‌، كه‌ وه‌زاره‌تی ته‌ندروستی ئه‌و وڵاته‌ به‌هاوكاری رێكخراوی نه‌ته‌وه‌یه‌كگرتوه‌كان و رێكخراوی ته‌ندروستی جیهانی ئه‌نجامیداوه‌، ده‌ركه‌وتوه‌ له‌ ساڵی (2009)ه‌وه‌ ژماره‌ی توشبوان (40)هه‌زار كه‌س زیادیكردوه‌.
راپۆرته‌كه‌ ئاشكرایكردوه‌: له‌ساڵی (2011)دا (28)هه‌زار كه‌س به‌ نه‌خۆشی ئایدز مردون و (136)هه‌زار كه‌سیش چاره‌سه‌ری نه‌خۆشیه‌كه‌یان وه‌رگرتوه‌ و (48)هه‌زار (HIV)نكه‌سیش هه‌ڵگری ڤاپرۆسی .

Posted in: ته‌ندروستی