(کلاشینکۆف)ی یه‌ک ده‌ست به‌رهه‌م ده‌هێنرێت

کۆمپانیایه‌کی روسی تایبه‌ت به‌ بواری دروستکردنی چه‌ک، جۆرێکی نوێی له‌ چه‌کی‌ (کلاشینکۆف) په‌ره‌پێداوه‌ که‌ له‌رێگه‌ی یه‌ک ده‌سته‌وه‌ به‌کار ده‌هێنرێت.
ئاژانسی هه‌واڵی (نۆفۆستی)ی روسی ئاماژه‌ی به‌وه‌داوه‌، به‌مزوانه‌ ئه‌و چه‌که‌ نوێیه‌ ده‌که‌وێته‌ بازاڕه‌کانه‌وه‌ و له‌ گرنگترین تایبه‌تمه‌ندیه‌کانیشی، ده‌توانرێت له‌رێگه‌ی یه‌ک ده‌سته‌وه‌ به‌ئاسانی به‌کاربهێنرێت.
له‌لایه‌کی دیکه‌وه‌ ئه‌ندازیار ڤلادیمیر زلۆبین که‌ سه‌رپه‌رشتی کاره‌که‌ ده‌کات رایگه‌یاندوه‌: چه‌کی نوێی (کلاشینکۆف) له‌ جۆری (74- (Aه و سه‌ربازه‌کان ده‌توانن به‌ئاسانی به‌کاری بهێنن له‌کاتی جه‌نگدا، به‌تایبه‌ت ئه‌گه‌ر هاتو یه‌کێک له‌ ده‌سته‌کانیان برینداربو، ئه‌وا ده‌توانن له‌رێگه‌ی ده‌سته‌که‌ی دیکه‌یانه‌وه‌ به‌کاری بهێنن.

Posted in: هه وال