گۆڵه‌كه‌ی پاتۆ پێنجه‌م خێراترین گۆڵه‌ له‌ مێژوی چامپیۆنس لیگدا

ئه‌لیكسانده‌ر پاتۆی هێرشبه‌ری یانه‌ی ئه‌یسی میلانی ئیتاڵی له‌ یاری به‌رامبه‌ر یانه‌ی به‌رشه‌لۆنه‌ گۆڵێكی خێرای له‌ یانه‌ی به‌رشه‌لۆنه‌ی ئیسپانی تۆماركردو ناوی چوه‌ مێژوی خولی یانه‌ پاڵه‌وانه‌كانی ئه‌وروپاوه‌.
پاش تێپه‌ڕبونی ته‌نها 24 چركه‌ به‌سه‌ر ده‌ستپێكردنی یاری نێوان یانه‌كانی به‌رشه‌لۆنه‌ی ئیسپانی و ئه‌یسیمیلانی ئیتاڵی له‌ خولی یانه‌ پاڵه‌وانه‌كانی ئه‌وروپادا، ئه‌لیكسانده‌ر پاتۆی هێرشبه‌ری یانه‌ی میلان گۆڵێكی تۆماركردو به‌وه‌ش بوه‌ خاوه‌نی

پێنجه‌م خێراترین گۆڵ‌ له‌ مێژوی خولی یانه‌ پاڵه‌وانه‌كانی ئه‌وروپاداو بوه‌ یه‌كه‌م هێرشبه‌ریش له‌ مێژودا كه‌ خێراترین گۆڵی له‌ یانه‌ی به‌رشه‌لۆنه‌ تۆماركردبێت.
خێراترین گۆڵه‌كانی خولی یانه‌ پاڵه‌وانه‌كانی ئه‌وروپا له‌ مێژودا به‌مشێوه‌یه‌یه

‌:
یه‌كه‌م: رۆی ماكای – به‌ درێسی یانه‌ی بایرنمیونخی ئه‌ڵمانیه‌وه‌ له‌ چركه‌ی 10.12 دا گۆڵی له‌ یانه‌ی ریاڵ‌ مه‌دریدی ئیسپانی تۆماركردوه‌.
دوه‌م: جیلبه‌رتۆ سیلڤا – به‌ درێسی یانه‌ی ئه‌رسیناڵی ئینگلیزیه‌وه‌ له‌ چركه‌ی 20.07 دا گۆڵی له‌ یانه‌ی ئایندهۆڤنی هۆڵه‌ندی تۆماركردوه‌.
سێیه‌م: دیلپیرۆ – به‌ درێسی یانه‌ی یۆڤانتۆسی ئیتاڵیه‌وه‌ له‌ چركه‌ی 20.12 دا گۆڵی له‌ یانه‌ی مانچسته‌ریونایتدی ئینگلیزی تۆماركردوه‌.
چواره‌م: سیدۆرف – به‌ درێسی یانه‌ی ئه‌یسیمیلانی ئیتاڵیه‌وه‌ له‌ چركه‌ی 21.06 گۆڵی له‌ یانه‌ی شاڵكه‌ی ئه‌ڵمانی تۆماركردوه‌.
پێنجه‌م: پاتۆ - به‌ درێسی یانه‌ی ئه‌یسیمیلانی ئیتاڵیه‌وه‌ له‌ چركه‌ی 24 دا گۆڵی له‌ یانه‌ی به‌رشه‌لۆنه‌ی ئیسپانی تۆماركردوه‌.

Posted in: وه‌رزش