بۆ یه‌که‌مجار ته‌رمی مایکڵ جاکسۆن له‌ یه‌که‌م دانیشتنی دادگاییکردنی تۆمه‌تباراندا ئاشکراکرا

له‌ دانیشتنی یه‌که‌می دادگاییکردنی تۆمه‌تبارانی دۆسیه‌ی مایکل جاکسۆنی، گۆرانی بێژی به‌ناوبانگی ئه‌مه‌ریکی، یه‌که‌مین وێنه‌ی ته‌رمه‌که‌ی پیشاندرا.
د.کۆنراد مۆرای، که‌ تۆمه‌تباره‌ به‌ کوشتنی مایکل جاکسۆن، به‌هۆی که‌مته‌رخه‌می له‌ پێدانی ده‌رمانه‌کانی و دواکه‌وتن له‌ چاره‌سه‌ری خێرا بۆی، دوای توشبونی به‌ جه‌ڵته‌ی دڵ، ئه‌وه‌ ره‌تده‌کاته‌وه‌ و
ئاماژه‌ی بۆ ئه‌وه‌کردوه‌، که‌ ئه‌وه‌ روداوێکی سروشتی بوه‌ و به‌ ئه‌نقه‌ست نه‌بوه‌.
هاوکات به‌پێی به‌ڵگه‌نامه‌کان، دکتۆره‌که‌ی مایکڵ جاکسۆن، که‌مته‌رخه‌می نواندوه‌ له‌ پێدانی ده‌رمانه‌کان به‌ مایکڵ و ئه‌مه‌ش وایکرد به‌ هۆیه‌وه‌ گیان له‌ده‌ست بدات.
پارێزه‌ری دکتۆره‌که‌ تۆمه‌ته‌کان ره‌تده‌کاته‌وه‌و رایده‌گه‌یه‌نێت، مایکل خۆی کوشتوه‌، به‌و پێیه‌ی 8.2 میلیگرام ده‌رمانی "لورازیبام"ی به‌ده‌رزی داوه‌ له‌خۆی و ئه‌مه‌ش بوه‌ته‌ هۆی مردنی، پێش چه‌ند مانگێکیش مایکڵ له‌ ژێر کاریگه‌ری ماده‌ هۆشبه‌ره‌کاندا بوه‌.

Posted in: هونه‌رمه‌ندان