به‌ریتانیا؛ دروستكردنی ئۆتۆمۆبێلێك به‌ خێرایی 1609 له‌ سه‌عاتێكدا

دروستکردنی خێراترین ئۆتۆمۆبێل له‌ جیهاندا به‌ ناوی (Bloodhound SSC) له‌ وڵاتی‌ به‌ریتانیا ده‌ستیپێكرد كه‌ بڕیاره‌ بتوانێت له‌ سه‌عاتێكدا 1609 کیلۆمه‌تر ببڕێت. مارک چه‌پمان، دیزاینه‌ری‌ ئۆتۆمبێله‌كه‌ رایگه‌یاندوه‌: کێشه‌ی سه‌ره‌کیان له‌ كاتی‌ دروستكردنی ئه‌و ئۆتۆمبێله‌ به‌و خێراییه‌ زیاده‌وه‌ ئه‌وه‌یه‌ له‌ كاتی‌ لێخوڕێنیدا نه‌فڕێت. مارک رونیکرده‌وته‌وه‌:‌ دیزاینی دروستكردنی ئه‌و ئۆتۆمبێله‌ 2 ساڵی خایاندوه‌. ده‌رباره‌ی‌ خێراییه‌كشی له‌ دوای‌ ته‌واوبونی، دیزاینه‌ره‌كه‌ وتویه‌تی: به‌هۆی‌ ئه‌و خێراییه‌ی‌ به‌ ئۆتۆمبێله‌كه‌ ده‌درێت، ئه‌گه‌ر كه‌سێك له‌ ناوه‌ڕاستی‌ گۆڕه‌پانێكی تۆپی پێدا وه‌ستابێت و ئۆتۆمبێله‌كه‌ له‌م گۆڵه‌كه‌وه‌ بۆ ئه‌و گۆڵه‌كه‌وه‌ بڕوات، به‌ هیچ شێوه‌یه‌ك هه‌ستی‌ پێناكات، ئه‌گه‌ر له‌و ساته‌دا چاو بتروكێنێت. ده‌رباره‌ی‌ قه‌باره‌ی‌ ئۆتۆمبێله‌كه‌ش ئاماژه‌ی‌ به‌وه‌داوه‌: درێژی‌ ئۆتۆمبێله‌كه‌ 13 مه‌تره‌و پانیه‌كه‌شی‌ 1.5 نیوێكه‌و 2 مه‌تریش به‌رزه‌. ئه‌وه‌شی وتوه‌: ئۆتۆمبێله‌كه‌ 3 مه‌کینه‌ی تێدایه‌ که‌ هێزی‌ 133000 ئه‌سپیان هه‌یه‌.

Posted in: هه وال